A Escola de Emprendemento da Agra do Orzán abrirá con itinerarios formativos para fomentar a creación de empresas

O Agra do Orzán terá o próximo ano unha Escola de Emprendimiento para fomentar a creación de empresas a través de plans de formación gratuítos para facilitar a captación de emprendedores e ofrecer itinerarios formativos, tanto profesionais coma persoais, deseñados, á carta en función do perfil de cada emprendedor para facilitalo a posta en marcha dos seus negocios e ideas empresariais.

A iniciativa, impulsada pola área de Emprego e Empresa que dirixe o tenente de alcalde Luisa Cid, forma parte do proxecto Urbana C, ten un presuposto de 400.000 euros -o 80% procede do Fondo Europeo de Desenvolvemento Rexional (FEDER)- e o seu principal obxectivo é fomentar o espírito emprendedor e apoiar as pequenas empresas e as persoas con perfil emprendedor.

A Escola de Emprendimiento desenvolverá a súa actividade na escola de negocios de Novacaixagalicia, no número 31 da rolda de Nelle, comezará a impartir os seus primeiros cursos en xaneiro e estará dirixido a emprendedores do Agra do Orzán, tanto desempregados como persoas con traballo que desexen mellorar a súa situación. Deben estar empadroados no Agra do Orzán, ter un negocio na zona ou con previsión de montalo. En todo caso, Luisa Cid explicou, durante a presentación do proxecto, que calquera cidadán pode informarse e participar.

O prazo de inscrición para optar aos cursos comezará o próximo 2 de decembro, data a partir da cal os interesados dispoñerán de toda a información na propia escola de negocios, de luns a venres de 9.00 a 19.00 horas, en emprendedorescoruna.es e no teléfono 981 185 035. Tamén na páxina web do Concello: www.coruna.es

As accións prolongaranse durante todo 2014 en diferentes formatos, pero todas terán dúas características comúns: moitas doses de entusiasmo e un gran nivel de esixencia. Neste proceso, os alumnos dispoñerán da axuda de coachs e mentores, expertos que farán un seguimento personalizado da súa formación: analizarán as súas capacidades, orientaranos, guiarán e adestrarán coa intención de garantir a sostibilidade e competitividade dos seus negocios. Tampouco será necesario realizar todo o plan de formación, xa que o programa está deseñado para que os interesados accedan aos plans, cursos ou eventos que máis se adapten ás súas características e posibilidades.

Non estamos a falar dun curso máis, falamos de itinerarios formativos que se elaborarán por e para quen teña perfil de emprendedor, algo que determinarán os expertos tras reunirse cos que opten a este tipo de formación,” puntualizou o tenente de alcalde, quen afirmou que a “actitude e o compromiso” serán fundamentais á hora de establecer estes perfís, ao igual que o traballo e o esforzo porque “non” é suficiente ter boas intencións para ser emprendedor”, afirmou Cid.

Luisa Cid insistiu no alto nivel do centro: Non é algo para pasar o tempo, daranse programas moi específicos cun elevado grao de esixencia. Hai que estudar, hai que fincar os cóbados”. A concelleira engadiu que a formación que adquirirán os alumnos é “todo un máster en xestión de negocios”.

A Escola de Emprendimiento ofrecerá máis de 2.400 prazas e un total de 1.830 horas de formación en doce meses e estará en permanente contacto coa Aula de Emprego -cuxa apertura está prevista para o primeiro trimestre do próximo ano- e co Centro Municipal de Emprego de Los Rosales

O plan de estudos inclúe cursos de ata 250 horas de duración e todos os horarios deseñaranse no seu momento atendendo ás necesidades dos propios alumnos. As accións, desenvolvidas en diferentes programas (Coach, para facer avaliación e diagnóstico, Emula, o programa Mentor, centrado en labores de tutorización, Redes, orientado ao netwoorking, e Innova, envorcado no programa municipal de axentes de innovación) deberán potenciar e inculcar no emprendedor valores e características perspectiva, fortaleza, equilibrio e equidade.

Estes son algunhas das accións dos plans formativos:

Videoconferencias internacionais con interlocutores do mundo empresarial de recoñecido prestixio que destaquen pola súa faceta innovadora e emprendedora.

– Feiras de innovación organizaranse catro eventos de innovación empresarial que difundirán o traballo realizado polos alumnos e servirán de plataforma e promoción dos seus proxectos.

– Simulacións empresariais: Os alumnos, a partir de coñecementos de xestión empresarial adquiridos en cursos previos, deberán aplicar de forma práctica durante catro días eses coñecementos e demostrar destrezas persoais como toma de decisións, liderado, comunicación ou oratoria. Contarán cun simulador experto que reproducirá as condicións do mercado que acentuarán a sensación de realidade.
A Escola de Emprendimiento é unha das accións incluídas no proxecto Urbana C para dinamizar o Agra do Orzán e, ao igual que a Aula de Emprego, nace para impulsar a súa actividade comercial e empresarial. Favorecer a implicación veciñal é outras das actuacións municipais previstas para modernizar e revitalizar o barrio, que tamén mellorará -a través do mesmo proxecto- a súa accesibilidade, o número de zonas verdes e a calidade do espazo público urbano.