A debate a influencia do comercio e do turismo na xeración de emprego nas cidades

A concelleira de Comercio, Reyes Leis, asistiu no Hostal dos Reis Católicos á inauguración do VII Congreso Turismo e comercio, a súa influencia no mantemento e xeración de emprego nas cidades de España, de Compostela Monumental. O programa desta primeira xornada incluía a análise de experiencias como as dos centros comerciais do barrio das Letras (Madrid), do casco histórico de Valencia e do centro León Gótico; un relatorio sobre os plans de comercio do Goberno vasco e unha comparativa entre os modelos español e canadense de centros comerciais abertos.