A Cea das Letras dará a coñecer a obra gañadora do VII certame de poesía erótica Illas Sisargas
O sábado, día 9 de novembro ás 21.30 h., na Casa da Vasca (Barizo) terá lugar a Cea das Letras organizada pola A. C. Caldeirón coa colaboración do Concello de Malpica de Bergantiños.
Durante este acto presentaráse a obra gañadora do VII Certame de Poesía Erótica Illas Sisargas Chamádeme Eva da escritora Mercedes Leobalde García e se dará a coñecer o fallo do xurado do VIII Certame de Poesía Erótica Illas Sisargas.
Ó acto asistirán o Presidente da A.C. Caldeirón, Sr. Francisco Quiroga López , e a Concelleira de Promoción Económica do Concello de Malpica Sra. María Pilar Doldán Pose.