A Casa das Ciencias celebra un novo curso de iniciación á astronomía

A Concellaría de Cultura informa de que o Planetario da Casa das Ciencias organiza un curso de iniciación á astronomía que se celebrará entre os días 17 e 20 de decembro de 2013.

Este curso práctico diríxese a persoas maiores de 14 anos, sen coñecementos previos na materia, que desexen aprender a gozar da astronomía a simple vista. Os asistentes adquirirán, por exemplo, coñecementos para recoñecer os planetas, as estrelas e constelacións máis destacadas; e interpretar os seus movementos no firmamento.

O curso desenvolverase no Planetario, de 19.30 a 21.30 horas, do 17 ao 20 de decembro. O prazo de inscrición ábrese mañá, 21 de novembro, habendo dispoñibilidade para 75 persoas.