Vinte e catro concellos xa dispoñen do Inventario de Bens e Dereitos

O documento inclúe a listaxe de inmobles, dereitos reais, mobles de carácter histórico, artístico ou de considerable valor económico; valores mobiliarios, créditos e dereitos de carácter persoal da Corporación; o número de vehículos, o rexistro dos animais, os mobles comprendidos nos apartados anteriores, bens e dereitos revertibles e bens que integran o Patrimonio Municipal do Solo.

Este documento, no que se inclúe a valoración do patrimonio e que agora servirá como unha ferramenta de traballo, é un instrumento de xestión municipal moi útil para os concellos, xa que, entre outras cuestións, conta cun inventario onde están actualizados os datos de todas as súas propiedades.

Segundo explicou o presidente provincial, Diego Calvo, “contar cun inventario actualizado facilita moito o traballo de calquera administración, xa que só así poderá poñer ao día as cargas fiscais de determinados inmobles ou completar calquera expediente que inclúa a cesión ou transmisión dalgún ben propiedade do concello”.

No momento da recepción dos inventarios, os concellos asumen a responsabilidade das futuras actualizacións.