Un punto a 18 segundos do final nun partido con cinco disparos aos postes e un Abel salvador para o Umacón (1-1)

O Azkar Lugo FS rescatou esta noite a falta de 18 segundos para o final un punto na cancha do Umacón Zaragoza nun partido que como mínimo mereceu ese punto final (1-1) e no que realizou un partido mellor ao seu rival, sabendo atacar esa defensa zonal que sempre suscitan os maños e sobre todo un choque no que o Azkar disparou a porta máis que o seu rival e no que viu como os paus e o meta local Abel impedían que os galegos se levasen os tres puntos cara a terras lucenses. En definitiva un punto agridulce, pero que permite ao Azkar Lugo seguir a seis puntos do descenso.

O partido empezou xa con cor lucense e así Iago Rodríguez enviaba ao minuto 2 un disparo ao longueiro e un minuto despois Abel desviaba un lanzamento de falta indirecta de Aranburu. Pero na súa primeira chegada o Umacón Zaragoza non perdoaba e tras unha galopada de Retamar pola ala poñíaa no área onde Víctor Tejel batía a Mendiola (1-0). Ese gol acusouno o Azkar que viu como no seguinte minuto os locais a punto estaban de facer o segundo, pero Mendiola salvaba brillantemente unha dobre ocasión. Tras ese minuto o Azkar volveu ter máis presenza en ataque que o seu rival, sabía como abrir esa defensa zonal dos aragoneses e Aranburu ao minuto 10 enviaba un disparo ao pau ou ata dous minutos despois unha boa xogada de Zala tamén se atopaba co poste e Álex Diz non lograba rematar dentro. Os lucenses non estaban finos en ataque, pese a que dispoñía de ocasións claras. No tramo final do primeiro periodo Richi Filipe tamén se atoparía co poste nun forte disparo. Ao término dos vinte primeiros minutos 1-0, algo inxusto para o exposto sobre a cancha por parte dos lucenses.

No segundo periodo, os seis primeiros minutos foron de clara cor local, de feito os lucenses non chegaron a tirar a porta. Foi a única lagoa no partido dos lucenses, aínda que o perigo do Zaragoza tampouco foi excesivo e os seus disparos exteriores non atopaban porta ou os atallaba Mendiola sen problemas. O peor para o Azkar é que neses malos minutos cargábase de faltas e así aos catro minutos do segundo periodo xa tiña catro no seu casilleiro. Recuperados dese mal tramo de partido, o Azkar volvíase a apropiar do balón e xa parecía a atoparse a un canso Umacón. Álex Diz gozaba dunha boa ocasión pero o seu disparo íase ao longueiro e despois de que os de Diego Ríos sumasen a súa quinta falta a 12 minutos para o final, o Azkar estrelaría outro balón no longueiro, neste caso en disparo de Aranburu. Jandri un minuto despois non era capaz de empuxar un balón na liña de gol e os azuis desesperábanse porque vían como Abel salvaba aos seus no minuto 36 a dous fortes disparos de Iago Rodríguez. Só quedaba xogarlla con porteiro-xogador e iso buscouno o Azkar Lugo a falta de 3 minutos para a conclusión. Moveu rápido o balón o Azkar por momentos aínda que non gozaba de disparos claros, un si, o de Cuco que se atopaba con Abel. Xa á desesperada, o Azkar reclamaría un penalti por mans dun xogador rival dentro do área e logo empataría a 18 segundos do final cando un bo pase de Aranburu era rematado de cabeza por Antonio Diz (1-1). E aínda houbo tempo para máis, unha contra dos galegos foise fora e xa case sobre a bocina Mendiola detiña a disparo de Richo Filipe. Ao final un punto que soubo a pouco aos galegos polas ocasións falladas pero que mantén aos pronistas a seis puntos do descenso.

Ficha técnica:
Umacón Zaragoza 1: Abel, Retamar, Duato, Víctor Tejel e Carlos García, -cinco inicial-, Catela, Richi Filipe e Álvaro Neto.
Azkar Lugo 1: Mendiola, Diego Núñez, Iago Rodríguez, Jandri e Antonio Diz, -cinco inicial-, Cuco, Aranburu, Álex Diz e Zala.
Árbitros: Martínez Flores e Fortes Pardo (comité murciano). Amonestaron con tarxeta amarela a Abel e Retamar (Umacón) e a Aranburu (Azkar). Expulsado con vermella directa no banquiño Chano (Azkar).
Incidencias: 8ª xornada de liga en 1ª división. Pavillón Siglo XXI. Uns 1000 espectadores.
Goles: 1-0 min. 4 Víctor Tejel e 1-1 min. 40 Antonio Diz.