Celebrouse o sorteo dos emparellamentos da Copa do Rei de Fútbol Sala

Celebrouse na Cidade do Fútbol de Las Rozas (Madrid) o sorteo de emparellamentos dos décimo sextos de final da cuarta edición da Copa do Rei de Fútbol Sala. Formado por quince equipos de Primeira División, nove de Segunda e oito de Segunda B.

Esta segunda eliminatoria de Copa do Rei deparou o cruzamento entre Santiago Futsal e Segovia Futsal, un dos equipos históricos do fútbol sala e que actualmente milita na Segunda División. A eliminatoria será a partido único o 5 ou 6 de novembro na pista dos segovianos.

Por outra banda o rival do Azkar Lugo nesta rolda será o Agüimes de Gran Canaria, equipo que milita no grupo 6-b da 2ª división B. O partido disputarase o vindeiro 5 ou 6 de novembro.

A escuadra laranxa do Burela tamén coñece o rival de décimo sextos da Copa do Rei, deberá desprazarse á pista do Melilla FS o 5 ou 6 de novembro. Os burelistas volverán ver as caras coa Melilla FS despois de cruzarse nesta mesma eliminatoria en 2012.

Nesta rolda entraron no sorteo os 15 equipos da 1ª división, os nove equipos con dereito da 2ª división, ademais dos tres equipos da 2ª B que quedaron exentos da primeira eliminatoria (Agüimes, Nazareno e Ategua) ademais dos cinco equipos clasificados da primeira rolda (Carnicer, Montcada, Zierbena, Noia e Gomera).

Os cruzamentos definitivos destes 1/16 de final son:
Carnicer Torrejón – Pozo Murcia
Uruguai Tenerife – Ríos Renovables Ribeira Navarra
Zierbena – Peñíscola FS
Gomeira – FC Barcelona
Segovia Futsal – Santiago Futsal
Brihuega – Jumilla Montesinos
Melilla – Burela Pescados Rubén
Montcada – Magna Navarra
Ategua – inter Movistar
Noia – Marfil Santa Colomba
Plásticos Romero Cartagena – Jaén Paraíso Interior
San Vicente – Colegios Areas Gran Canaria
O’Parrulo Ferrol – Manacor
Profiltek Agüimes – Azkar Lugo
L’Hospitalet Bellsport – Umacón Zaragoza
Nazareno – Levante UD