O recinto termal das Burgas estará pechado para realizar traballos de mantemento

As instalacións termais das Burgas estarán pechadas mañá, martes, día 29, e pasado mañá, mércores, 30 de outubro para realizar labores de mantemento. O Concello solicita aos usuarios que desculpen as molestias e lembra que as persoas que o desexen poden utilizar as demais áreas termais da cidade, tanto as gratuítas de A Chavasqueira, Outariz, e Muiño da Veiga, coma as estacións termais, de pago, de A Chavasqueira e Outariz.

O recinto termal das Burgas reabrirá ao público o xoves, 31, no seu horario habitual, de 10:00 a 13:00 horas e de 17:00 a 21:00, tódolos días da semana, agás os luns, con entrada gratuíta.