O programa Natureza nos Camiños visita o visita no Monte Tomba

A quinta saída do programa Natureza nos Camiños, que organiza a Concellaría de Parques que dirixe Anxos Riveiro, buscará a pegada do raposo e do lobo no Monte Tomba. Trátase dun percorrido de 7,7 quilómetros de dificultade media-alta, polo monte Tomba.

A saída está prevista dende a Casa do Concello, para ir cara a Ponte das Correntes e coñecer o Enil da Xunqueira de Alba. Seguirase polo Camiño Portugués, Pontecabras, O Freixo e Monte Tomba. Na Caeira poderase visitar os petroglifos e retornar a Pontevedra pola ponte da Barca e rematar no mesmo punto de partida.

Todos os percorridos deste programa serán os domingos á mañá, a partir das 10.00 horas dende a praza de España, con regreso ás 14.00 horas para aqueles que sexan dunha mañá; e ás 18.00 horas para os que sexan de día completo. O fío condutor do programa deste ano serán os liques, fentos e brións, aínda que non faltarán as referencias a outros elementos da fauna e da flora dos bosques e doutros espazos naturais que se van visitar, xunto á interpretación de elementos da nosa historia, da literatura e da etnografía galegas.

Este ano combínanse as rutas que máis gustaron en edicións anteriores, con certas modificacións, xunto con novos percorridos por espazos practicamente descoñecidos para o gran público.

O resto das rutas serán:

• Ermelo: A estela de Diego Xelmírez (7,4 km. aprox. Dificultade media alta).

• Fragas do Eume, a última gran carballeira litoral do Atlántico.