O programa Natureza nos camiños coñece a Fraga de Aboal

A cuarta saída do programa Natureza nos Camiños, que organiza a Concellaría de Parques que dirixe Anxos Riveiro, será a visita á Fraga de Aboal, nos concellos de Pazos de Borbén e Mondariz.

Trátase dun percorrido de 9 quilómetros de dificultade media. Todos os percorridos deste programa serán os domingos á mañá, a partir das 10.00 horas dende a praza de España, con regreso ás 14.00 horas para aqueles que sexan dunha mañá; e ás 18.00 horas para os que sexan de
día completo.

O fío condutor do programa deste ano serán os liques, fentos e brións, aínda que non faltarán as referencias a outros elementos da fauna e
da flora dos bosques e doutros espazos naturais que se van visitar, xunto á interpretación de elementos da nosa historia, da literatura e da etnografía galegas.

Este ano combínanse as rutas que máis gustaron en edicións anteriores, con certas modificacións, xunto con novos percorridos por
espazos practicamente descoñecidos para o gran público.

O resto das rutas serán:

• Tras as pegadas do raposo e do lobo no Monte Tomba (7,7 km. aprox. Dificultade media-alta);
• Ermelo: A estela de Diego Xelmírez (7,4 km. aprox. Dificultade mediaalta);
• Fragas do Eume, a última gran carballeira litoral do Atlántico.