O plan de tráfico polas obras do colector no paseo de Irmandiños aprázase ata novembro

A Policía Local de Ferrol informa que por motivos técnicos queda aprazado para a primeira semana de novembro o dispositivo especial para regular o tráfico no paseo de Irmandiños e na rúa da Igrexa. Este plan especial responde ás próximas obras de execución do colector e interceptor xerais que se realizarán na zona do centro da cidade.

Por outra banda e segundo indica a Policía Local, debido á realización de obras na zona de Caranza pecharase parcialmente o tráfico da glorieta existente na confluencia da Avenida do Mar e a Avenida de Castelao. Dita restrición entregará en vigor a partir do vindeiro martes día 29. Así, este peche temporal implica a necesidade de que o tráfico rodado que procede da Avenida de Castelao en dirección ao centro da cidade sexa desviado cara a rúa “G” das vivendas de Bazán, polo que cambiará o sentido de circulación de dita rúa. Ademais, só quedará dispoñible un carril da rúa Telleiras, en dirección a Caranza.