O domingo 13 de outubro realizarase unha ruta de sendeirismo á aldea Castroramiro na Somoza

O domingo 13 de outubro realizarase a 3ª Ruta de Sendeirismo no Programa de Outono que organiza a Concellería de Deportes do Concello da Estrada. Nesta ocasión visitaremos a aldea de Castroramiro na Somoza e os seus hórreos.

O percorrido, de 14 km, é un dos máis espectaculares dos que compoñen este programa, pois camiñaremos maioritariamente por sendeiros entre carballeiras e visitaremos os muíños de Ouzande. Sairemos como sempre ás 10:00 do Concello. Lembrade que debedes estar 15 minutos antes para apuntarse e que a ruta ten un custe de 2,00 € por persoa. Traede auga e algún alimento e estade atentos á previsión do tempo.