O departamento de xuventude ferrolán axuda á mocidadea buscar emprego con internet e as redes sociais

A concelleira de Xuventude do Concello de Ferrol, Verónica Casal Míguez, informou de que mañá será aberto o prazo de inscrición para o novo programa “Achegándome ao emprego”, que forma parte da programación de actividades dirixida á mocidade ferrolá para a tempada 2013-2014. Os interesados en participar deberán presentar a súa solicitude no Rexistro Xeral do Concello de Ferrol ata o vindeiro xoves, día 31 de outubro. O límite de prazas é de 12 alumnos e a listaxe definitiva de admitidos será publicada o sábado 2 de novembro. O itinerario está dirixido aos menores de 30 anos e que estean empadroados no termo municipal.

Este acción formativa, cunha duración de 30 horas, impartirase de luns a venres, en horario de 10 a 13 horas, na aula de informática da Casa da Xuventude. O curso, de carácter gratuíto, terá lugar do 4 ao 15 de novembro e permitirá formar ao alumnado na busca activa de emprego a través das redes sociais. Casal Míguez explicou que a busca activa de emprego está en constante renovación, adaptándose aos continuos da sociedade “isto implica que os novos demandantes de emprego se adecúen ás actuais tendencias que os profesionais de recursos humanos están a utilizar”.

A edil sinalou a importancia de que os demandantes de emprego teñan coñecementos de informática “xa que cada vez está máis presente nas redes sociais o denominado Recrutamento 2.0”. Así, a responsable de Xuventude ofreceu diferentes datos sobre o estudo realizado pola páxina web de busca de emprego, Infoempleo. Un 20% das empresas destinan os seus presupostos ao recrutamento a través das redes sociais, mentres que un 49% das compañías utilizar as redes sociais para a busca de emprego e o 51% está propoñéndose inicialo.