O coro Liceo de Vilagarcía leva o folclore do mundo a Rubiáns dentro do ciclo “Voces para un centenario”

O ciclo de música coral “Voces para un Centenario” prosegue a súa andaina este domingo en Rubiáns. A igrexa parroquial de Santa María acollerá a partir das seis da tarde o concerto do Coro Liceo de Vilagarcía, que para a ocasión interpretará un repertorio de folclore do mundo. Ás voces do coro dirixido por Margarita Guerra sumarase en varios temas o acompañamento musical de José Luis Sanz (guitarra) e Carlos Álvarez e Alberto Arines (percusións).

Programa

Da que Déus mamóu……………..  Cantiga Alfonso X el Sabio
Mía irmana fremosa………………  Martín Códax
Passe el agua…………………………Madrigal s. XVI
Caminad señora…………………….  Ángel Barja
Tres cantigas de Pontevedra….   A.Bertoméu(Galicia)
Negra sombra………………………. Xoán Montes-A. Barja (Galicia)
Aquel que salèu agora………….  (Romance) A. Bertoméu (Galicia)
Veinte años…………………………. (Habanera) Cuba
Te quiero…………………………….. Texto Mario Benedetti
Swing Low………………………   Espiritual negro tradicional (Arm. Josly)

Con acompañamento instrumental:

Balaio ………………………………  Brasil
Ai agüita de mi tierra…………….   Cueca chilena
Muié rendera………………………..  Brasil
Bullerengue………………………….. Colombia
Alma llanera…………………………. Venezuela

O ciclo “Voces para un Centenario” está organizado pola Concellería de Cultura no marco dos actos conmemorativos do Centenario da unión dos concellos de Vilagarcía, Vilaxoán e Carril. O programa conta coa participación de once agrupacións corais do municipio e percorrerá as doce parroquias de Vilagarcía.