O “Concerto para bebés” de Paulo Lameiro amplía o seu aforo

O “Concerto para bebés” de Paulo Lameiro, que terá lugar o domingo 27 no Pazo da Cultura en sesión ás 11:00h., 12:30h. e 18:30 horas, permitirá que 3 maiores de 5 anos acompañen a cada un dos bebés participantes. O aforo dos mesmos, público prioritario e preferente, segue a ser de 70 , mentres que o número de acompañantes pasou de 70 a 210.

A ampliación producíase esta mesma mañá ao iniciar a compañía as labores previas á montaxe e comprobar que a capacidade do espazo permitía atender a demanda dos interesados/as en asistir acompañando aos máis pequenos/as.

Unha experiencia inigualable conducida polo músico portugués Paulo Lameiro na que os bebés se abren por primeira vez á música nun ambiente moi especial, entre almofadas de cores, sons novos e chamativos para eles, acompañados da animación que invita á permanente participación e interactuación entre pais e bebés. Un coidado espectáculo polo que recibíu recentemente en Alemania o premio YEAH (YOUNG EARopean Award) na categoría de innovación.

As entradas, a un prezo de 4 euros + gastos para menores de  5 anos e 8 euros + gastos para maiores desa idade, están á venda na web de servinova.

No caso de non esgotarse as entradas, poderán mercarse unha hora antes de cada espectáculo na billeteira do Pazo da Cultura.