Novas xornadas sobre autoemprego e cooperativismo en Ordes

O salón de plenos ubicado nos baixos da Alameda ordense acolleu na mañá de hoxe unha nova xornada sobre autoemprego e cooperativismo. Orientada tanto a desempregados como a emprendedores e a institucións públicas ou privadas o espazo rexistrou un cheo absoluto. Entre outros obxetivos pretendiuse dar a coñecer e achegar o máximo posible a Oficina de Fomento Cooperativo da Mancomunidade de Ordes, ademais dos deus obxetivos e actividades. O encargado de inaugurar este encontro foi o presidente da Mancomunidade de Ordes, Manuel Regos, quen destacou “a labor tan importante que se está a facer dende a Oficina de Fomento Cooperativo, así como da repercusión e aceptación que está tendo nestes momentos nos que a fórmula cooperativista preséntase como unha opción para a creación de emprego”.

Precisamente, e corroborando este pensamento, posicionouse o primeiro dos conferenciantes, Jesús de la Fuente Blanco. Pertencente á Rede Eusumo, de la Fuente incidiu sobre a influencia do cooperativismo ba economía social, e destacou o maior número de posibilidades en época de crisis de que perdure unha cooperativa fronte outras organizacións ou estructuras empresariais. Inmediatamente despois será o turno de Loli Couso Costa, técnico de AGACA, que falaou da comercialización do grelo e doutros cultivos a través dos distintos tipos de cooperativas agrarias. Por outra banda Rosa Álvarez Bernárdez, técnico de UGACOTA, tratou o tema sobre das cooperativias de traballo asociado e as posibilidades de emprendemento que ofrecen. Como punto final celebrouse unha mesa redonda na que participaron EGALI, Pico Sacro e LUTEGA, S. Coop. Galega.

A Oficina de Fomento Cooperativo de Ordes conta co apoio da Dirección Xeral de Traballo e Economía Social, a través da Subdirección Xeral de Cooperativas e Economía Social, e co financiamento do Fondo Social Europeo. A súa actividade intégrase dentro da rede Eusumo para dar apoio, fomento e asesoramento ás iniciativas cooperativistas e á economía social no ámbito territorial dos sete concellos da comarca (Ordes, Cerceda, Trazo, Mesía, Frades, Oroso e Tordoia).