Máis de 5.000 persoas degustan o Ribeiro na Feira Mercat de Mercats de Barcelona

Stand da D.O. Ribeiro

A D.O. Ribeiro participou a pasada fin de semana en “Mercat de Mercats”, un mercado na Praza da Catedral de Barcelona destinado á promoción dos produtos de calidade dos mercados e D.D.O.O. catalás. O stand do Ribeiro, que volve por terceiro ano consecutivo, recibiu ao longo dos tres días máis de 5.000 persoas interesadas en probar as marcas da Denominación de Orixe, así como de desfrutar do produto galego de calidade.

O Consello Regulador da D.O. Ribeiro acudiu ao evento con nove adegas: Adega Pousadoiro, Adega Sameirás, Bodega Alanís, Bodegas Val de Souto, Coto de Gomariz, Cunqueiro, Cuñas Davia, Señorío de Beade e Terra do Castelo, que presentaron os seus viños nesta iniciativa dirixida ao público catalán. Ademais, ofreceuse produto galego de calidade en forma de “petiscos”, que tivo moi boa acollida por parte dos consumidores.

O C.R.D.O. Ribeiro valora de moi positiva a asistencia a este evento, xa que se amplía o coñecemento dos viños do Ribeiro nun mercado obxectivo para as vendas das bodegas.