Limpeza de beirarrúas en Sofán dentro dos labores do servizo de acondicionamento viario

Tarefas de limpeza

Operarios do Centro Especial de Emprego Aspaber UTE están realizando estes días os traballos de limpeza de beirarrúas na parroquia de Sofán en virtude do contrato de concesión do servizo de limpeza viaria do municipio. Trátase duns labores que se realizan en todas as parroquias do Concello catro veces ao ano, con periodicidade trimestral. Segundo explica o Concelleiro de Servizos, Luís Lamas, ademais das propias beirarrúas despéxanxe os lixos e maleza que poida existir nunha marxe de entre 40 e 50 centímetros a o seu carón. no ano 2000 Aspaber crea un Centro Especial de Emprego, que empeza dedicándose á escaiola e a carpintería. O obxectivo do Centro e ocupar aos usuarios que están capacitados e que por distintos motivos non poden acceder á empresa ordinaria. No ano 2004 preséntase ao concurso de limpeza viaria do Concello de Carballo, conseguindo que lle dean dito servizo para un período de dez anos. Dende o ano 2004 foise ampliando a realización de servizos para o concello incluíndose, por exemplo, a limpeza do medio rural ou o mantemento e limpeza a presión das prazas do Concello.