Ferrol acolle do 6 ao 13 de outubro a final do Campionato de España 2013 da Federación Española de Surf

A concelleira de Deportes, Susana Martínez Galdós, presentou esta mañá o Campionato de España 2013 da Federación Española de Surf (Fesurf) que se disputará do 6 ao 13 de outubro na praia de Doniños, principalmente. A edil estivo acompañada polo presidente da Federación Española de Surf, Carlos García.

Martínez Galdós destacou que este evento de surf “é un dos máis importante do ano”. Un total de 300 deportistas se darán cita nesta competición polo títulos nacionais. O Campionato de España por equipos autonómicos terá lugar do 6 ao 8 e estarán representadas as rexións de Galicia, Cantabria, Canarias e Andalucía. Así mesmo, do 9 ao 13 se disputarán as competicións individuais do Campionato de España 2013 en todas as categorías: Surf Open, Surf Feminino, Surf Sub 18 (masculino e feminino), Surf Sub 14  (masculino e feminino), Bodyboard Open, Bodyboard Feminino, Bodyboard Sub 18  (masculino e feminino), Bodyboard Sub 14, Longboard Open e Sup Olas Open.

Así, o presidente da Federación Española de Surf, Carlos García, explicou que a principal novidade deste ano é a incorporación ao campionato do Stand Up Paddle Surf (Sup) nas modalidades de Olas e Race, categoría que se disputaba de forma independente os anos anteriores. As competicións de Sup Race terán lugar os días 10 e 11.