As unitarias de Ordes, Olas e Visantoña visitan a biblioteca e a emisora de radio municipal

Visita dos escolares

Os nenos e nenas das escolas unitarias do Concello de Ordes, ademais dos de Olas e Visantoña, desfrutaron dunha mañá chea de actos e visitas. A primeira parada foi na biblioteca municipal de Ordes, onde foron os protagonistas dun contacontos cheo de maxia titulado ‘Contos para todos’. Posteriormente tiveron a oportunidade de poder coñecer e comprobar de primeira man todos os libros e xogos que para eles alberga este espazo cada vez máis solicitado por rapaces e rapazas tanto de Ordes como doutros municipios. Xa a media mañá todas e todos eles realizaron unha visita aos estudios de Radio Ordes, onde se lles explicou como se realiza un espazo radiofónico e os distintos elementos técnicos que se empregan para iso.