Ares planta doce árbores para cubrir os ocos do parque Rosalía de Castro

O Concello de Ares, a través da área de Obras e Servizos, levou a cabo na mañá de onte a plantación dunha serie de árbores no parque municipal Rosalía de Castro. Trátase, como explicou o concelleiro da área, o socialista José Juan Vilar, dun total de doce exemplares de certo porte –arces, carballo, etc.-, que veñen substituir a outros que nestes últimos tempos caeron por diferentes temporais ou tiveron que ser retirados por enfermedades.

Polo tanto, a actuación, que quedou rematada nesa xornada, ten como obxectivo o de cubrir os ocos deixados por outros exemplares e dotar do arborado necesario e máis axeitado a este espazo emblemático da vila aresá.