Abel Caballero visita os traballos de humanización de San Roque con 200 metros de beirarrúas

PUBLICADO EN: Noticias de Galicia ► Vigo ▼
A-
A+
Visita aos traballos de humanización de San Roque

Visita aos traballos de humanización de San Roque

O alcalde visitou hoxe as obras de humanización que se están a acometer en San Roque onde se están a construír beirarrúas nun ámbito que se atopaba nunhas condicións “catastróficas”. Tal e como explicou, a primera fase destes traballos estenderáse ao longo de case 200 metros, cun orzamento de 100.000 euros.

Abel Caballero achegouse hoxe luns ás obras que se están a realizar en San Roque, onde se están a construír 200 metros de beirarrúas cun orzamento de 100.000 euros para esta primeira fase. Acompañado pola tentente de alcalde, Carmela Silva, e o concelleiro de Fomento, David Regades, o alcalde eloxiou os cambios que se están a acometer nun ámbito que está en estado “catastrófico”, aludindo a un veciño en cadeira de rodas que non podía saír da súa casa polas barreiras arquitectónicas. Estas obras de mellora na zona da entrada do Pazo súmanse ás que xa se fixeron na rúa de arriba e na baixada á finca, traballos orientados a recuperar un “área emblemática da cidade, abandonada durante décadas”.

21 de outubro de 2013 | 16:58 • Sen comentarios

Comentarios pechados.