A Policía Local de Cambre detén “in fraganti” a un ladrón cando roubaba nunha empresa de despezamentos

Axentes da Policía Local de Cambre detiveron unha persoa por cometer un roubo con forza nunha empresa de despezamentos sita na Telva. Os axentes ao pasar pola zona observaron a un varón que ante a presenza policial escapou á carreira sendo alcanzado polos policias, e unha vez preguntado por ese comportamento e ante o incoherente da resposta, revisaron as inmediacións onde foi localizado, observando que xunto a un vehículo había pezas de vehículos e catro rodas de camión, polo que foi detido e posto a disposición do xulgado de garda da Coruña.

Así mesmo na madrugada do domingo 2 condutores foron denunciados por superar a taxa de alcohol establecida para poder circular, sendo inmobilizados os vehículos.