A Coruña acollerá un Máster de Comunicación Deportiva

A Concellería de Educación e Deportes informa de que se abriu, ata o 20 de outubro, o prazo de matrícula para o Máster de Comunicación Deportiva, organizado polo departamento municipal que dirixe Francisco Mourelo e a Asociación da Prensa, en colaboración con Aventi.

O máster, pionero en Galicia, está dirixido tanto a profesionais como a mozos universitarios, co obxectivo de ofrecer un programa que abarca o ciclo completo de comunicación deportiva, xa que neste ámbito profesional é imprescindible a formación específica cumprindo cunha vella demanda do sector. En concreto, o plan de estudos, de 500 horas de formación, se impartirá os venres pola tarde (de 17.00 a 21.00 horas) e os sábados pola mañá  (de 10.00 a 14.00 horas) en Cásaa Museo Casares Quiroga, entre os meses de novembro de 2013 e xuño de 2014. Os alumnos matriculados recibirán formación en tres aspectos diferenciados:

– Organización deportiva.
– Comunicación deportiva (bloque de maior peso específico).
– Publicidade e patrocinio deportivo.

O programa será impartido por profesionais do sector e contará con clases magistrales, visitas a entidades e medios de referencia e encontros con expertos. Ademais, o máster conta cunha bolsa de prácticas que permitirá aos alumnos desenvolver os coñecementos adquiridos. O prazo de matrícula permanecerá aberto ata o 20 de outubro.