Salceda de Caselas organiza unha “Xincana” de sensibilización ambiental para cativos
A Concellería de Medio Ambiente ten previsto realizar o vindeiro 21 de Setembro unha xornada de actividades de concienciación ambiental dirixida a rapaces de entre 6 e 14 anos. A cita terá lugar no Parque Recreativo dos Agoeiros a partir das 16:30 h da tarde.
A actividade constará dunha “xincana da natureza” con diversos xogos por equipos nos que primarán a importancia da reciclaxe selectiva dos diferentes residuos, o coñecemento da biodiversidade, e a inmersión no mundo animal…entre outros. Os equipos participantes competirán en equipos demostrando cal é o equipo que combina maior destreza e coñecemento do entorno natural.
Para participar hai que inscribirse previamente no correo electrónico de medioambiente@salcedadecaselas.es ou na Casa da Cultura, ata o 19 de setembro.
A Concellería dirixida por Cándido Lorenzo pretende con esta actividade sensibilizar aos colectivos máis pequenos, pois é nas idades máis temperás onde se deben inculcar os valores da sostibilidade e o respecto polo entorno. O Concello de Salceda de Caselas é consciente da necesidade deste cambio conductual, por elo levará a cabo neste més de Setembro diversas actividades de divulgación e propagación dos valores ambientais aos que poderá asistir todo aquel que desexe. Para calqueira información as persoas poden pasarse polo Concello pola área de Medio Ambiente.