Quince artistas noveis participarán na XXXI Exposición de Pintura das Festas do Alivio

wdfb_og_title:
wdfb_og_type:
wdfb_og_description:
wdfb_og_images: a:1:{i:0;s:0:"";}
wdfb_og_custom_name: a:1:{i:0;s:0:"";}
wdfb_og_custom_value: a:1:{i:0;s:0:"";}

PUBLICADO EN: Noticias de Galicia ► Local ► Tomiño ▼

A-

A+

Quince artistas de Tomiño dan forma á XXXI Exposición de Pintura organizada polo Concello con motivo das Festas do Alivio 2013. A mostra foi inaugurada este mediodía na Casa da Cultura pola concelleira de Cultura, Cristina Martínez, acompañada durante o acto polos pintores Mario Rodríguez, Eulalia Portela e outros membros do equipo de goberno.

Cristina Martínez agradeceu o interese amosado polos pintores tomiñeses e salientou o nivel dos seus cadros. “Tomiño pode presumir de ser terra de artistas, como aqueles que polo ano 1980 comezaron con esta exposición, entre eles, Mario Rodríguez, aquí presente, e outros grandes artistas coma Xavier Pousa en pintura e Xoan Piñeiro, Magín Picallo, Antúnez Pousa e Xuxo Vázquez, en escultura”, comentou a concelleira.

Seguidamente tomaron a palabra os pintores Mario Rodríguez e Eulalia Portela, os cales salientaron o crecemento artístico dos pintores participantes. Ambos os dous, animaron aos noveis a seguir traballando duro, con paciencia e perseveranza.

Os quince pintores participantes nesta trixésima primeira edición son: Marcos A. Besada Correa, Rebeca Cabaleiro Mato, Mercedes Carrera Áñvarez, Mª Carmen Carros Blanco, Marisol Castro Martínez, Mª Consuelo Fernández Casas, Orlanda Gomes de Farias, Felisa González Martínez, Flora González Martínez, Carmen Mariño Fernández, Ana Mª Martínez Álvarez, Mercedes Moreira Pérez, Caludia Otero Vicente, Rosario Rodríguez Vicente e Luis Miguel Souto Álvarez.

A exposición permanecerá aberta na Casa da Cultura, ata o 16 de setembro de 19.00 a 21.00 horas.

Outros espectáculos organizados polo Concello de Tomiño con motivo das festas patronais do Alivio:

ESPECTACULO DE MAXIA
Luns 9 setembro ás 21:30 h. na Praza do Seixo

FILME “VILAMOR”
Martes 10 setembro ás 21:30 h. na Praza do Seixo

CONCERTO CAN DE PALLEIRO
Mércores 11 setembro ás 22:00 h. na Praza do Seixo

CONCERTO “OS CEMPÉS”
Xoves 12 setembro ás 22:00 h. na Praza do Seixo

ACTO CIVICO ALIVIO
HOMENAXE A JULIA IGLESIAS OTERO
Domingo 15 setembro ás 11:00 h. na Praza do Seixo