Os padexeiros galegos disputan en Copenhaguen o Campionato do Mundo de Maratón

Óscar Graña, Iván Alonso e Ramón Ferro en Copenhaguen

Frío e chuvia é o que se encontraron os padexeiros galegos en Copenhaguen para disputar o Campionato do Mundo de Maratón. Polo tanto, as probas que se disputarán o sábado e o domingo serán duras e esixentes, tanto polo percorrido coma polas condicións nas que se celebrarán.

Os primeiros en competir serán os C-1. Os galegos Ton Campos e David Manuel Mosquera serán os representantes da comunidade. O primeiro deles é campión do Mundo e tamén de Europa nesta disciplina. David Mosquera foi terceiro en Singapore en 2011 e cuarto o ano pasado en Roma. Afrontarán seis voltas ao circuíto para sumar case 26 quilómetros.

A primeira hora da tarde tocaralle a quenda a Iván Alonso, candidato a repetir as xestas do ano pasado e do mes de xuño, cando logrou o título Mundial e de Europa, respectivamente. A proba danesa de K-1 constará de sete voltas e un pouco máis de trinta quilómetros en total.

Para a xornada do domingo, a competición estará dedicada ás embarcacións dobres. Ton Campos e Diego Romero, por un lado, Óscar Graña e Ramón Ferro, por outro en C-1, e Iván Alonso e Emilio Merchán, en K-2, serán os representantes galegos.