O programa “Imos de excursión 2013” organiza unha viaxe a Valladolid e Peñafiel

A Concellería de Centros Socioculturais programa unha nova viaxe dentro do programa Imos de excursión. É a denominada “Castela a gusto” e levará os participantes ás localidades de Valladolid e Peñafiel os días 12 e 13 de outubro. O prazo de inscrición ábrese o martes 24 de setembro a partir das 17:00 horas. Esta excursión permitirá aos viaxeiros coñecer os principais monumentos e a gastronomía destas dúas localidades. A viaxe está destinada a persoas de todas as idades (menores acompañados). O seu prezo é de 149 euros, nos que se inclúe transporte, seguro, aloxamento e pensión completa.