O goberno de Miño inicia os trámites para a incoacción de expedientes sancionadores por non atender os requirimentos de limpeza

O alcalde de Miño, Jesús Veiga Sabín, tras ordenar aos propietarios de diversas parcelas do municipio que acometesen as tarefas necesarias para a limpeza, roza e limpamento de diversos soares que non reunían as condicións de ornato, seguridade e salubridade conforme á normativa vixente, iniciou os trámites para a incoación de expedientes sancionadores aos titulares das parcelas que non atenderon os requirimentos de limpeza.

Segundo explicou o alcalde, esta iniciativa persegue eliminar o risco de incendio existente, de especial importancia dadas as circunstancias climatolóxicas esta época estival que estes días manteñen o Índice de Risco Forestal extremo nesta zona.