O goberno coruñés mellorará a accesibilidade en catro barrios da cidade

O Concello da Coruña adxudicou o proxecto de mellora da accesibilidade, dentro do plan Urbana C, no que se recolle a execución de preto dun centenar de obras que favorecerán a mobilidade en catro barrios da cidade: Agra del Orzán, ou Ventorrillo, Riazor e San Pedro de Visma.

Unha vez adxudicado, o proxecto de mellora da accesibilidade executarase nun prazo máximo de seis meses. O presuposto final destas obras, financiadas pola Unión Europea a través dos fondos FEDER, alcanza os 306.273,94 euros, o que supón un aforro do 26% con respecto ao investimento previsto no proceso de licitación.

O proxecto do departamento de Infraestructuras permite solucionar problemas puntuais na mobilidade, coa mellora de beirarrúas e espazos públicos no Agra del Orzán, ou Ventorrillo, Riazor e Visma. O Goberno municipal executará
90 actuacións -das que 15 serán en paradas de autobús-, ademais doutras accións concretas nos cruzamentos da rolda de Outeiro e a rúa Luis de Camoens, e da avenida de Finisterre coa rolda de Nelle e coa praza do Castelo de Olite.