O Concello de Miño abre o prazo de inscrición para a excursión de San Froilán

O Concello de Miño abre o luns, 23 de setembro, o prazo para anotarse á excursión que terá lugar o martes 8 de outubro a Lugo, para celebrar a festividade de San Froilán. O custo da viaxe é de 8 euros. As inscricións para cubrir as 108 prazas ofertadas pódense realizar en horario de 08.30 a 15.00 horas e os martes pola tarde de 16.00 a 18.30 horas na área de Servizos Sociais, Cultura e Deportes do Concello.

Esta viaxe cultural trátase dunha actividade enmarcada no programa de ocio activo “Imos de paseo” para os maiores de 55 anos que desenvolve a concellaría de Benestar Social e Igualdade e Turismo do Concello.

Ademais desta viaxe, o Concello de Miño pon a disposión dos seus maiores outras 6 viaxes culturais: 1 decembro (Feira de Padrón e Cerceda), febreiro (Feira do Cocido a Lalín), 26 de marzo (Feira de Valença do Miño), 29 de abril (Porto do Son), 20 de maio (Ribeira Sacra) e 10 de xuño ( As Medulas).