O ciclo Sen Numerar arranca no Fórum Metropolitano o vindeiro 20 de setembro

A Concellaría de Cultura anuncia que o próximo venres, 20 de setembro, empeza no Fórum Metropolitano a tempada de outono deSen Numerar, un ciclo no que colabora a Rede Galega de Teatros e Auditorios e que busca achegar ao espectador á produción de pequeno formato, espectáculos onde o espazo próximo proporciona unha experiencia diferente á dunha escena distanciada.

O Concello presenta unha completa selección de 10 espectáculos, pois algúns contan cunha representación adicional en horario lectivo para alumnos de Secundaria co fin de impulsar a afección polo teatro entre os jóvenes.El ciclo arranca o 20 setembro con O cabaré dá muller paxaro, de Tirita Producións, para continuar o día 27 con Eclipses, na que Casahamlet conta en escena con Manuel Lourenzo. A compañía Chévere transformará o auditorio para presentar Ultranoite o 4 e 5 de outubro ás 23.00 horas; mentres que, o 11 de outubro, Alberto San Juan presentará en “Autorretrato de un joven capitalista español” unha visión crítica non carente de humor.

Carlos Blanco, ao vivo (de momento) repasará o 19 de outubro os seus doce anos de carreira. A compañía Dferia, o 31 de outubro, con Sexperadamente, aproximarase á comedia; mentres que o espectador poderá gozar o 15 de novembro de “Teatro para pájaros”, un premiado espectáculo de Daniel Veronese coa compañía Histrión Teatro. O único clásico do ciclo poñerao en escena Jacobo Dicenta, que será “El buscón” o 22 de novembro. BailadELAS,de Teatro do Antroido,será unha homenaxe teatral a Roberto Vidal Bolaño o 5 de decembro. A multipremiada Tokyo 3, de Voadora, pechará o ciclo o 20 de decembro.

Todos os espectáculos serán no Fórum Metropolitano ás 20.30 horas, salvo Ultranoite que empezará ás 23.00 horas. Os prezos, dependendo do espectáculo, oscilarán entre os 7 e os 9 euros -con descontos adicionais de 2 euros para os maiores de 65 anos, persoas con carné novo e desempregados-, aínda que de novo coa excepción de Ultranoite, que custará 15 euros.