O ciclo de cine ferrolán en versión orixinal subtitulada acollerá a filmografía de Al Pacino

O concelleiro de Cultura, Manuel-Reyes García Hurtado, deu conta hoxe do novo ciclo de cine en versión orixinal subtitulada (VOS) que se desenvolverá nos meses de outubro e novembro aos grupos municipais na comisión informativa da área. As proxeccións terán lugar os mércores ás 20:30 horas nos Cines Dúplex, situados no barrio de Esteiro, e a entrada será gratuíta.

Os espectadores poderán gozar, durante estes dous meses, coa proxección das grandes obras audiovisuais da filmografía do actor Al Pacino. A programación prevista para as proxeccións en versión orixinal subtitulada é a seguinte:

Outubro

– 2 de outubro: “Donnie Brasco” (1997)

– 09 de outubro: “El dilema” (1999)

– 16 de outubro: “Looking for Richar” (1996)

– 23 de outubro: “La prueba” (2003)

– 30 de outubro: “El precio del poder” (1983)

Novembro

– 6 de novembro: “Esencia de mujer” (1992)

– 13 de novembro: “El Padrino” (1972)

– 20 de novembro: “El Padrino II” (1974)

–  27 de novembro: “El Padrino III” (1990)