O Cereixa, Vincios F.S. de Gondomar enfróntase ao Verín F.S. na primeira xornada da Liga Galega Sur de fútbol sala

Mañá sábado, día 21 de setembro, ás 17.00 horas no Pavillón Polideportivo Municipal de Panxón, en Nigrán, disputarase a primeira xornada da Competición de Liga Galega Sur de fútbol sala, entre os equipos CEREIXA, VINCIOS F.S. DE GONDOMAR E O VERIN F.S.

Debido a que este mesmo fin de semana Gondomar acolle o XIII Torneo Aberto Internacional de Tenis de Mesa, foi imposible albergar esta competición no Pavellón Municipal do municipio, polo que se trasladou ao Polideportivo de Panxón.

Dende o Cereixa, Vincios F.S. agradecen tanto ao Concello de Gondomar coma á Concellaría de Deportes o seu apoio incondicional e á Concellaría de Deportes de Nigrán por ceder as instalacións do Polideportivo para disputar o devandito encontro.