O CCA de Carballo colabora para facilitar a volta ao cole

O Centro Comercial Aberto Carballo, coa intención de colaborar cos centros escolares nas súas actividades, pon en marcha a onceava edición da campaña de volta ao cole na que se subvenciona a viaxe de fin de curso dun nivel académico, dun centro escolar de Bergantiños, de acordo coas seguintes bases:

Poderán participar nesta promoción escolares de ensino infantil, primario e secundario matriculados en centros públicos ou privados da comarca de Bergantiños.

O gañador será aquel nivel escolar que consiga maior número de puntos.

Os puntos desta promoción obteranse nos establecementos asociados ao CCA Carballo.

O nivel gañador terá un premio de 500 € para a súa viaxe de fin de curso.

O nivel clasificado en segundo lugar terá un premio de 300 € para a viaxe de fin de curso.

O nivel clasificado en terceiro lugar obterá 200 € como axuda da viaxe de fin de curso.

Esta promoción remata o día 25 de abril de 2014.

Os niveis escolares que participen, deberán presentar os seus puntos nas oficinas de CCA Carballo, na rúa Fomento 21-23, 1º Carballo, tendo como límite as 20:00 horas do día 30 de abril de 2014.

Os niveis gañadores deberán disfrutar os premios nos meses de maio ou xuño de 2014.

A participación neste concurso implica a plena aceptación das presentes bases.