O 27 de setembro remata o prazo para solicitar o uso do pavillón de deportes

O Concello de Ares, a través da súa Concellaría de Deportes, informa de que continúa aberto o prazo de solicitude da instalación deportiva do Pavillón Deportivo Municipal, tanto para o seu aluguer diario coma para a solicitude do seu uso dende o mes de outubro ata o mes de xuño de 2014. Para iso,  é preciso pasar polas dependencias do propio pavillón e cumprimentar un impreso de solicitude de instalación, ou ben facelo a través da web municipal www.concellodeares.com e envialo a pavillonares@gmail.com

O prazo estará aberto ata as oito da tarde do día 27 deste mes, data na que se procederá á adxudicación das horas de uso da instalación atendendo aos criterios de preferencia establecidos no regulamento correspondente. Deste xeito, o día 1 de outubro comezará a rexir dito horario no pavillón deportivo municipal. Para todos os interesados/as en alugar a instalación deportiva durante o mes de setembro, anúnciase que simplemente será preciso pasar polas dependencias da instalación deportiva e solicitar horario de uso para dito mes.