Mercadiño solidario nas festas das Dores de Lalín

A Asociación O Mencer leva algo máis dun ano traballando co fin de conseguir alimentos para o seu reparto de alimentos e axuda a persoas sen recursos, entre as máis de 200 familias beneficiarias.

Co gallo de acadar fondos para este fin, van a realizar un mercadiño solidario durante as festas de Lalín. Neste mercadiño venderase todo tipo de obxectos (libros, discos, obxectos de decoración, complementos, etc…) doados por particulares que queiran colaborar.

 O mercadiño da Asociación O Mencer localizarase no antigo local Guerra Niños, na esquina da Avda. Buenos Aires – Pintor Laxeiro en Lalín. O horario será de 11.00 a 14.00 h. e de 18.00 a 21.00 h. do sábado 21 ao luns 23 de setembro.