Medio centenar de préstamos no I Programa de Préstamo de Libros do Concello de Monforte

O I Programa de Préstamo de Libros promovido pola Consellería de Benestar Social e as comunidades educativas dos CEIP A Gándara e CEIP Monforte concluíu coa entrega de medio centenar de préstamos. No CEIP A Gándara recibíronse 33 solicitudes e efectuáronse 33 préstamos de libros, mentres que no CEIP Monforte rexistráronse 27 solicitudes e fixéronse 21 préstamos completos e 7 familias recibiron en préstamo algúns dos libros de texto solicitados debido a que houbo máis demanda de libros que ofertados para 6º de Primaria.

A Concellería de Benestar valora moi positivamente a acollida do Programa de Préstamo e a colaboración solidaria dos equipos directivos dos dous colexios e das familias que coa súa xenerosidade proveeron o fondo de libros. A iniciativa solidaria do Programa de Préstamos contribúe a paliar as dificultades de familias con menores recursos económicos que grazas á achega dos lotes de libros terán que enfrontar menores gastos en material escolar este curso.

Esta iniciativa logrou espertar a solidariedade cidadá para favorecer o intercambio de libros e, con esta finalidade, o Concello realizará unha campaña de sensibilización co obxectivo de que no vindeiro curso 2014-15 se poida acrecentar o fondos de libros do Programa de Préstamos para poder atender na súa totalidade a demanda existente por parte das familias.