Máis de 29.000 euros en axudas para entidades da comarca do Morrazo
A deputada provincial Begoña Estévez entregou esta mañá axudas por un valor total de 29.114 euros e unha furgoneta a 12 entidades da comarca do Morrazo con fins sociais, deportivas e culturais, concretamente de Cangas e Moaña.
Cangas
O organismo provincial entregou subvencións por valor de 21.114 euros a 10 asociacións.
Axudas de acción social:
• Asociación Caridade Santiago Apóstol de Cangas, 6.000 € para o proxecto de comedor social solidario
• Asociación Cultural O Son do Pobo, 3.000 € para un proxecto de musicoterapia
• Adicam, 3.600 € para o proxecto “Camiñando en rosa”
• Aspasin, 3.600 € para o proxecto “Traspasando fronteiras”
Axudas de carácter cultural:
• Banda de Música Bellas Artes de Cangas, 723 € para a adquisición dun saxofón barítono
• STACCATO, 600 € para a adquisición de vestiario
• Asociación Cultural O Son do Pobo, 1.111 € para a adquisición dun piano de parede
• Asociación Cultural Lembranzas da ría de Cangas, 956 € para a adquisición de vestiario
• Asociación Cultural Folclórica Tromentelo, 723 € para a adquisición de instrumentos musicais
• Asociación Cultural Eiravella, 801 € para a adquisición de instrumentos musicais
Moaña
O Club de Remo Samertolameu recibiu unha furgoneta debido ás malas condicións nas que se atopaba o anterior vehículo no que realizaban os desprazamentos. Ademais, o Club de xubilados de Santa Eulalia de Meira recibiu 8.000 euros para a adquisición de mobiliario.
A través destas subvencións a Deputación de Pontevedra amosa o seu compromiso na prestación de servizos sociais, así como de ámbito cultural e deportivo, para que as entidades beneficiarias poidan ofrecer todas as prestacións que demandan.