As mulleres de Ponte Caldelas visitaron Combarro e realizaron unha travesía en catamarán

Grupo de mulleres da Asociación de Mulleres Rurais Xuntáns de Ponte Caldelas

Arredor de medio centenar de socias da Asociación de Mulleres Rurais de Xustáns (Ponte Caldelas) visitaron a localidade de Combarro e partiron en catamarán rumbo á illa de Tambo onde puideron admirar os tesouros naturais que esconde esta paraxe das Illas Atlánticas.

As participantes nesta excursión tiveron a oportunidade de degustar mexillóns da ría de Pontevedra ao tempo que aproveitaron a súa estanza en Combarro para percorrer a zona antiga e admirar os hórreos, prazas e construcións civís que marcan esta emblemática paraxe das Rías Baixas.

De regreso a Xustáns, as participantes en exta iniciativa lúdico-recreativa da Asociación de Mulleres Rurais celebraron unha pequena festa no Centro Cultural de Xustáns na que interviñeron pandereteiras e grupos de gaitas e baile da localidade.

A Asociación de Mulleres Rurais de Xustáns está a realizar un importante labor sociocultural entre o colectivo feminino desta parroquia do municipio de Ponte Caldelas.