AFAL convida á cidadanía a poñerse no lugar dun enfermo de Alzheimer

En colaboración co Concello de Narón, AFAL Ferrolterra brindará á cidadanía a posibilidade de poñerse no lugar dun enfermo de Alzheimer e comprobar por si mesma as dificultades que sofren no seu día a día ao realizar accións tan sinxelas e rutinarias como vestirse ou comer. Será a través do Circuíto do Alzheimer, unha actividade na que poderán participar as persoas que se acheguen este venres ás 18 horas ao Centro de Maiores Manuela Pérez Sequeiro ou o vindeiro luns, 30 de setembro, á Fundación Terra de Trasancos, en O Val. Nesta ocasión, ás cinco da tarde.

O obxectivo do proxecto, incluído na programación dos actos deseñados por AFAL para conmemorar o Día Mundial do Alzheimer, é informar sobre o deterioro que a enfermidade produce nas distintas capacidades das persoas, logrando contribuír á sensibilización da poboación divulgando os sinais que posibilitan detectar alteracións das “actividades avanzadas” da vida diaria.

Deste xeito, o circuíto consta de cinco estaciones, dedicadas aos diferentes aspectos que se ven alterados nunha persoa doente e, en cada unha delas, desenvólvense diferentes probas. Na Estación de entrada recíbese aos participantes do circuíto e, a través de follas informativas e explicacións complementarias, o persoal expón en que consiste o percorrido. A Estación 1, denominada Memoria e orientación, consta de probas nas que se pretende poñer de manifesto as dificultades dun enfermo de Alzheimer para evocar recordos e reter nova información, así como para situarse nos contextos espacial, temporal e persoal. Na segunda Estación, a de Comunicación, as probas que se propoñen tratan de sensibilizar achega dos problemas de comunicación presentes na enfermidade de Alzheimer, especialmente no referido ao emprego da linguaxe verbal.

Así mesmo, na Estación 3, Habilidades motrices, as probas intentan que os participantes comprendan os sentimentos dun enfermo á hora de realizar diversos movementos, xa que a dolencia conlleva alteracións no control motor, que se manifestan en forma de problemas de coordinación, de equilibrio, apraxias… As tres probas da Estación 4, Percepción e razonamiento, proporcionan información achega das dificultades para explicar o que sucede ao noso ao redor e para integrar e recoñecer a información que recibimos polos sentidos. E, a cinco, Actividades da vida diaria, pecha o circuíto facendo alusión ás repercusiones de todas as alteracións expostas nas estacións precedentes na vida cotiá dun enfermo de Alzheimer.