A Universidade Popular abre o prazo de inscrición cunha oferta de 112 cursos

A concelleira de Educación, Ana Garrido, presentou esta mañá no Salón de Plenos un dos programas de maior peso da Concellería, que non deixa de medrar en cada edición: os cursos da Universidade Popular destinados a adultos da cidade. O prazo de inscrición para tódolos interesados abre o martes, día 1 de outubro, cunha oferta que acada os 112 cursos, e 3.500 prazas, superando todas as edicións anteriores.

A edición presentada esta mañá recolle 33 cursos novos (10 máis en total que a pasada edición), e, aumenta en máis de 1.000 prazas o pasado exercicio (3.500 fronte as 2.461 prazas do curso 2012-2013). Entre as novidades, destacan cursos como “Aerodance” -combinación de técnicas e movementos de baile e aerobic-, “Aproximación á literatura hispanoamericana do século XX”, “Protocolo empresarial”, “Intelixencia comercial”, “Creación de empresas. Plan de negocio para emprendedores” ou “Monitor de comedor escolar”.

Todos os interesados e interesadas poden realizar a preinscrición na Concellería de Educación, na Praza de San Martiño, 2, 1º, ou a través da web www.ourense.es. Como novidade nesta edición, se poderá entregar a preinscrición na Oficina de Atención ao Cidadán (Praza de Santa Eufemia, 6, baixo), en horario de 16 a 20 h. Os únicos requisitos son ser maior de 16 anos e estar empadroado en Ourense.