A Coruña acolle a I Feira Internacional de Repostaría Artística “Think in cakes”

Negreira na visita ao salón

O alcalde da Coruña, Carlos Negreira, asistiu esta mañá á 1ª Feira Internacional de Repostaría Artística Think in cakes, que se celebra en EXPOCoruña.

Na visita estivo acompañado polo tenente de alcalde de Emprego e Empresa, Luisa Cid, quen asegurou que esta primeira edición da Feira Internacional de Repostaría Artística contribúe á proxección da cidade e do propio recinto feiral, pois conta coa participación dos mellores profesionais a nivel mundial.

Luisa Cid destacou que o evento se inclúe dentro da aposta do Goberno municipal por consolidar a gastronomía como un dos puntos fortes da cidade. Neste sentido, puxo como exemplos a inclusión da Coruña na plataforma Saborea España, a celebración do concurso de tapas Condimento ou o Fórum Gastronómico que acollerá en febreiro de 2014 o propio recinto feiral de EXPOCoruña.