XXVII Festival do Quilo en beneficio do comedor de necesitados de Marín

O próximo venres a partir das nove da tarde celebrarase o “XXVII Festival do Quilo” a beneficio do comedor de necesitados de Marín. Trátase dun multiespectáculo que contará coa participación de artistas de recoñecido prestixio que colaboran gratuíta e solidariamente coa causa.

O acto terá lugar na Alameda de Marín a partires das 20.45 h. e no festival actuarán as Cantareiras “Chaneiras”, a Coral Polifónica Centro Social, Trío “Hermanos Cabaleiro”, Dúo “Sara e Sofía”, “Os de Marín”, Andrés Acosta, O violín de Lia, Toño Fernández, Polifónica “Lembranzas”, a harmónica máxica de “Ducho”, José María Pérez e a súa “trompeta”, e o Grupo vocal “Voces amigas”.

Ademais contarase co humor de Manuel Somoza e a actuación estelar de “Manso y sus Muchachos” e fin de festa co Trío Ruada e sorteranse máis de 100 regalos do comercio marinense.

A entrada é completamente gratuíta, só se piden alimentos para o comedor benéfico. En caso de mal tempo os actos trasladaranse ao Multiusos do Mercado.