publicidade hoxe

Un treito da estrada Cuntis-Porráns ao paso por Moraña cambia de titularidade

PUBLICADO EN: Noticias de GaliciaCuntisLocalMoraña
A-
A+

O municipio pontevedrés deberá, a partir da formalización da entrega, facer todas as actividades de xestión, mantemento, conservación e explotación deste treito.

O Concello de Moraña terá que incorporar ao seu Plan de Estradas a vía a que se refire este decreto.

Plano de situación

Plano de situación

A Xunta de Galicia publica hoxe no Diario Oficial de Galicia (DOG) o decreto de cambio de titularidade dun treito de máis de medio quilómetro da estrada PO-226, que une as localidades de Cuntis e Porráns; a prol do concello pontevedrés de Moraña, concretamente no núcleo rural de Saiáns, desde o punto quilométrico 6+030 ata o pq. 6+870.

A cesión é conveniente co obxecto de realizar obras de mellora peonil para os lugares de A Chociña e Santa Margarida. O Concello asumirá as ditas obras así como a titularidade e mantemento deste tramo.

O expediente tramitouse ao abeiro dos artigos 5 e 54 da vixente Lei de estradas, do 14 de setembro de 1994, que establece que os cambios de titularidade das estradas se aprobarán por decreto da Xunta de Galicia, por proposta da consellería competente en materia de estradas e logo do acordo entre as administracións afectadas, e que as estradas autonómicas ou provinciais ou os treitos determinados delas en que a circulación adquira características urbanas se entregarán aos concellos respectivos.

En aplicación do artigo 4 da Lei 4/1994, do 14 de setembro, de estradas de Galicia, as entidades locais, no marco das súas competencias e de acordo cos correspondentes plans de estradas, aprobarán a relación de estradas da súa titularidade.

Obrigas municipais

De acordo co exposto, o Concello de Moraña deberá incorporar ao seu Plan de estradas a vía a que se refire este decreto. Así mesmo, a este municipio correspóndenlle, a partir da formalización da entrega, todas as actividades de xestión, mantemento, conservación e explotación deste treito; así como o exercicio das funcións de disciplina viaria e calquera outra que puider corresponderlle como nova Administración titular da estrada.

A entrega da vía formalizarase no prazo dos dous meses seguintes á publicación de hoxe no Diario Oficial de Galicia.

13 de agosto de 2013 | 13:57 • Sen comentarios

Comentarios pechados.