Trofeo de Chave da Xuventude Concello de Ares

As áreas de Servizos Sociais e Deportes organizan a primeira edición do Trofeo de Chave da Xuventude Concello de Ares, unha iniciativa que se desenvolverá ao longo do vindeiro 1 de setembro no parque municipal Rosalía de Castro.

Nesta actividade deportiva participarán un total de oito equipos deste termo municipal, un deles composto integramente por mozas da vila.

Así mesmo, esta fin de semana, nomeadamente entre os días 23 e 25, o parque Rosalía acollerá o Trofeo de Chave Santa Catalina, organizado polo equipo que leva ese nome coa colaboración do Concello de Ares.

Nos dous casos, ao remate das competicións haberá entrega de agasallos, coa presenza de responsables políticos da administración local.