Seleccionadas as obras para a II Bienal do Simposio de Escultura ao Aire Libre do Grove

O pasado venres, 23 de agosto, finalizaba o prazo para a presentación de propostas para a II Bienal do Simposio de Escultura ao Aire Libre do Grove que se celebra no entorno da Festa do Marisco.

Onte tivo lugar a selección das tres obras que se levarán a cabo na presente edición do Simposio. Os escultores e escultoras elixidos son:

– Issabella Corni, de Italia, coa obra “LORELEI”

– Rodoslav Sultov, de Bulgaria, coa obra “REGENERATION”

– Hugo Mario Pereira Bengua, de Uruguay e residente en España, coa obra “ZOO-FORMA”.

O Simposio presentarase o vindeiro 20 de setembro ás 12:30 h no paseo de Beiramar.