Os peregrinos elixen Tui como un dos lugares preferidos para comezar o Camiño de Santiago

A cidade de Tui ocupou , no pasado mes de xullo, o posto número catro en relación ás localidades elexidas polos peregrinos para iniciar o camiño a Compostela.

Encabeza a lista Sarria con máis de 8.800 peregrinos, seguida de S.Jean P. Port con 3.680,  O Cebreiro con 2100 e Tui con case 2000 segundo os datos facilitados pola Oficina de Acollida de Peregrinos da Arquidiocese de Santiago de Compostela. No que se refire ao conxunto da Eurocidade a cifra acadou os 2880.

A peregrinaxe polo Camiño Portugués rexistrou en xullo un total de 4816 andantes, o que supón un 13% do total dos peregrinos rexistrados dito mes.