Os gañadores do sorteo “Ribeiro de Copas” viaxan á denominación de orixe

O grupo de gañadores das viaxes á Denominación de Orixe Ribeiro sorteadas entre os participantes da campaña Ribeiro de Copas visitarán esta fin de semana as adegas e principais atractivos enoturísticos da rexión.

A campaña Ribeiro de Copas, que se celebrou en Santiago de Compostela na primeira quincena do pasado mes de xullo e na que participaron activamente 20 adegas da Denominación de Orixe Ribeiro en 12 locais hostaleiros da cidade, premiou así aos consumidores participantes nesta acción que cumprimentaron correctamente os formularios da campaña e os depositaron na urna disposta nos establecementos da ruta.

A fin de semana para os 18 afortunados consistirá nun percorrido polas adegas da D.O., con estancia en aloxamentos rurais e participación nas distintas actividades enoturísticas da comarca.

Con estas iniciativas o Consello Regulador pretende achegar o coñecemento dos viños e da Denominación de Orixe Ribeiro ao público final, así como promover o seu interese enoturístico.