Os gañadores de Ribeiro de Copas de Santiago mergúllanse na denominación de orixe

Os chegados da capital compostelana e arredores gozaron cunha fin de semana repleta de actividades entorno ao viño, así coma lúdicas e culturais

Grupo de gañadores

O grupo de gañadores de Ribeiro de Copas de Santiago de Compostela e arredores visitaron esta fin de semana varias adegas da D.O. así como distintos atractivos enoturísticos da rexión. O público amosouse moi satisfeito coa ruta enoturística que desfrutaron, xa que descubriron infinidade de referencias de viños que non teñen posibilidade de degustar ou mercar no seu entorno máis próximo.

A fin de semana para os 18 afortunados consistiu nun percorrido por seis adegas da D.O., con estancia en aloxamentos rurais da Ruta do Viño, así como no coñecemento da oferta gastronómica da zona e os seus recunchos máis significativos.

Un dos principais obxectivos destas iniciativas é promover o interese enoturístico da zona no grupo, que como algún participante declarou “hei volver e seguir coñecendo novas adegas e viños e achegarme máis ao entorno e outras zonas ás que non tivemos tempo de ir”.

Campaña

A campaña Ribeiro de Copas, que se celebrou en Santiago de Compostela na primeira quincena de xullo e na que participaron activamente 20 adegas da Denominación de Orixe Ribeiro en 12 locais hostaleiros da cidade, premiou con esta fin de semana aos consumidores participantes nesta acción que cumprimentaron correctamente os formularios da campaña e os depositaron na urna disposta nos establecementos da ruta.